Ick Ariaen die Moelre Richter der derpen Buesichem ende Zelmonde Ende wij Cornelis Bruijn Dirckssoon
ende Jerefaes Verleijd Peterssoon Scepen der selver derpen voirgenoempt tugen openbairlijck mijts desen openen brieve
dat voir ons gecomen is Gherit Geritssoon ende heeft mit zinen vrijen moet wille te voeren waell bedacht wesende
gegeven ende gemaect Erffelijck ende ewelijck voir hem ende zinen Erven vier gulden Hollants des Jairs ofte twintijch
stuver voir elcken gulden tot behoeff des Weerdichgen Heijlichgen Sacraments misse te singen alle donredaechs Ende
dat Heijlige Sacraments op ende aff te setten mijt solemijniteijt als dat behoirt In Sint Jans kercke in die Nijestadt bijnnen
Culenborch / uuijt een stuck lants gelegen Inden Middelcop Inden gerichte van Buesichem / daer aen die overste
zide naestgelant sijn die heeren ende Capitell bijnnen Culenborch die nederste zide Hubert van Hoven Streckende
mijtten oversten ende aen Hubert Janssoon die Coster zinen lande Ende mijtten nedersten eijnde Gherit Gheritssoon voirscreven
sijnen lande Ende dese vier gulden voirscreven sall Gherit off zinen Erven voirscreven Jairlickx ende alle Jair gheven ende betaelen
altijt op den Heijlichge Korsdach off bijnnen veerthiendach dair nae onbegrepen aen handen vanden kerckmeijsteren
Inder tijt wesende hier bij gevuecht Soe heeft Gerit Geritssoon voirscreven gegeven ende ter selver tijt overgetelt die somme
van vier ende tseestijch gulden Hollants den lesten pennijnck mijtten eijrsten aen handen vanden voirscreven kerckmeijsteren
Inder tijt tot behoeff vanden voirscreven mijsse Ende Oeck geloven die kerckmeijsters altijt Inder tijt den voirscreven deijnst
tot Gods eere the vermeijederen ende nijet to vermijnderen Ende oft geboirden dat die kerckmeijsteren Nu Inder
tijt off namaels wesende desen voirscreven deijnst ter Eren van dat Weerde Heijlichge Sacrament nijet en volbrochten
als voirscreven Is Soe mach Gherit Gheritssoon sijnen Erven ofte nacomelingen dijt voirscreven landt naijst die verschoten
pennijngen vrij weder aen hem nemen Sonder die voirscreven kerck ofte kerckmeijsteren Inder tijt dat mijt
enijchgen rechten geestelijck ofte weerlijck tegens te doen ofte wederstaen / Allet voirscreven sonder argelist In
Oirconde der wairheijt ende gansser vaster stedijcheijt Soe hebben wij Richter ende scepenen voirgenoempt elcx onsse
zegellen beneden aen desen openen brieff gehangen Gegeven Inden Jair ons Heeren duijsent vijffhondert twee
ende veertich den thienden dach van Januarius //
Regest
1542 januari 10
Ariaen die Moelre, richter in de dorpen Beusichem en Zoelmond, Cornelis Bruijn
Dircksz en Jerefaes Verleijd Petersz, schepenen, oorkonden dat Gherit Geritsz een rente
van vier gulden per jaar, afkomstig uit een stuk land in de Middelcop in het gericht van
Beusichem, geschonken heeft aan de kerkmeesters van de St. Janskerk in Culemborg
voor een mis en andere plechtigheden ter verering van het Heilige Sacrament. Bij dit stuk
grond zijn boven naastgeland de heren van het kapittel te Culemborg en beneden Hubert
van Hoven en het land strekt van het land van Hubert Jansz de coster tot dat van Gherit
Gheritsz zelf.
De zegels van de oorkonders zijn verloren gegaan.
Klein gat naast middenvouw. Vlekken.
afmetingen in mm: 336 x 193
[^Hokke nr. 157 ]
