Wij Jacop Aertssoen Richter Inden kerspelen van Everdingen ende Zijdervelt Peter
Janssoen Cornelis Jan Willemsoen ende Jan van Romborch scepenen al daer Orconden
onder onse zeghelen dat voer ons quam Heren Peter Koel met sinen ghecoren
voecht die hem metten recht ghegeven was van weghen des Capittels van Sinte
Berbaren Kerck tot Culenborch Droechen op ende gaven over met horen vrijen
moet wil ghesamender hant enen vrijen eyghendom Dirc Janssoen als van
een halff hoeff lants ghelegen Inden ghericht voerseijt op Langhe Bolgherij ghe=
mengder voer met Egbert van Zweten met allen horen rechten ende toe be=
horen daer boven naest ghelant Is Aernt Vijnck Willemssoen ende beneden naest
ghelant Is Herman Koenen ende Cornelis Willemssoen streckende vanden ghesceit

van Overboeycoop totter ghesceit van Outhenae ende heren Peter voerseijt met
sinen voecht voerseijt ende van wegen des Capittels voerseijt verteghen ende ver=
halmden op dit voerghenoemde erff tot behoeff Dirc Janssoen voerseijt als von=
nisse der scepenen voerseijt wijsden dat recht was Voert soe Is ghecomen heren
Peter voerseijt met sinen voecht voerseijt ende van weghen des Capittels voerseijt ende
hebben gheloeft ghesamentlijcken Dirc Janssoen voerseijt desen voerseijde eyghendom
te vrijen ende te waren Jaer ende dach ende alle voerkommer ende voerplicht
doen die voer datum des brieffs daer op ghecomen mach wesen als erff coop
recht Is Inden lande van Culenborch ende alle dinc zonder archghelijst Ghegeven
Int Jaer ons Heren dusent vierhondert vier ende tachtich op Sinte Lebuinus dach

Regest
1484 november 12
op Sinte Lebuinus' dach

Jacop Aertssoen, richter in de kerspelen Everdingen en Zijdervelt, Peter Jansssoen, Cornelis           
Jan Willemssoen en Jan van Romborch, schepenen, oorkonden dat heer Peter Koel,           
namens het kapittel van de St. Barbarakerk te Culemborg, overgedragen heeft aan           
Dirc Janssoen een halve hoeve land gelegen in het genoemde gericht op Langhe Bolgherij
in gemengder voer met Egbert van Zweten. Boven naastgeland is Aert Vijnck Willemssoen
en beneden Herman Koenen en Cornelis Willemssoen, strekkende van          
“ghesceit van Overboeycoop totter ghesceyt van Outhenae.

De zegels van de oorkonders zijn verloren gegaan.
afmetingen in mm: 175 x 103

[^van de Ven nr. 208, Hokke nr. 476.]