Allen den ghene die desen brief sullen sien of hoeren lesen doe Ick verstaen Herberen vander Stege Gerijts
soen van weghen Joncheer Jan van Boeckhout heer tot Bewerweerd ende tot Odewijck / dat voir mij
quam als voir enen thijs heer ende hof van miins Joncheren van Boeckhout wege ende van dese thijns
ghenoten die hier na bescreven staen Claes Koel ende droech mij op mit sinen vrien moet wil enen acker
lands houdende seven hont lands der goeden maten die gelegen inder heerlicheit van Buesinchem daer
boven naest gelant siin die Witte Vrouwen tUtrecht beneden naest miin heer van Culenborch Ende daer
verteech hij voert op mit hande halme ende mit monde alsoe dat thijns ghenote wijsde dat daer
Claes Koel voirscreven af onteerft is ende siin erven naden lant recht ende thijns recht Ende doe dit
ghesciet was ende op enen staende voet doe vertide ic Herberen vander Stege voirscreven als een heer

ende hof van wegen mins Joncheren van Boeckhout voirscreven Gerijt Melis soen desen voirscreven acker
lands ghelijck die voirscreven steet tot al sulker eerfthijns als die gelegen is ende uuijtgaende is
Daer dit ghesciede waren over als thijns ghenoten Gosen van Tiel Willem Zuermont ende meer
goeder man In oerconde des soe heb ic Herberen vander Stege Gerijts soen voirscreven als een heer
ende hof van wegen miins Joncheren van Boeckhout voirscreven desen brief besegelt mit mine segel
Ghegeven Int Jaer ons Heren dusent vierhondert twe ende veertich op Sunte Lamberts dach

Regest
1442 september 17
op Sunte Lamberts dach

Herberen van der Stege Gerijts soen verklaart, vanwege jonckheer Jan van Boeckhout          
heer tot Bewerweerd en Odewijck als tijnsheer,dat voor hem en het tijnshof Claes Koel              
aan hem opgedragen heeft een akker land van 7 hont,waar boven naastgeland zijn de              
Witte Vrouwen te Utrecht en beneden de heer van Culenborch waar na deze akker door            
hem in erftijns uitgegeven wordt aan Gerijt Melis soen.

Het zegel van de oorkonder is verloren gegaan.

De aanwezige tijnsgenoten zijn Gosen van Tiel, Willem Zuermont “en meer goeden man”.
Vlekken.
afmetingen in mm: 229 x 121/108  

[^van de Ven nr. 95, Hokke nr. 468.]