Wij Zweder van Culenborch Richter Heinrich Zuermont Herman van Doyenborch Jan van Kuuck Aernt
die Man scepenen tot Culenborch oirkonden onder onse segelen Dat voir ons quam Cornelis die Visscher
als een potmeyster inder tijt ende heeft vervolgt ende mit vier clagen verwonnen tot behoiff den armen
bynnen Culenborch op heer Jan Heymenssoin ende synen erven ende alle die ghene die gerechticht moigen
wesen aen een huus tuyn tymmer egge ende eynde ende mit allen synen toebehoeren soe dat gelegen
is In die Affterstraet daer meyster Cornelis Canoninck tot Culenborch nu ter tijt In woent
tusschen Dircx huus van Bon aen die een zijde Ende Gerijt Gerijtssoins erven huus aen die ander
zijde daer hij myt Recht mit clageliken woirden op vervolgt heeft voir viertyen Wilhelmus
schilden ende wart daer mede gepandt aen dit voirscreven huus ende voirt sijn pandt verbonden also
dick ende menichwerff als die scepenen wijsden dat Recht was so dattet aen sheren keur quam
ende ick Richter voirseyt nam die kueren van sheren wegen Doe dit geschiet was doe eygende
ick voirscreven van sheeren wegen Cornelis die Visscher als potmeyster voirseyt dit voirseyde pandt voir
dit voirseyde gelt ende den derden penninck beter ende voir alzulcken Cost ende schade als daer
mit Recht opgegeaen is Ende ick Richter voirseyt heb daerna van sheeren wegen op vertegen
tot behoeff des Pots ende den Armen voirseyt mit allen Rechten als vonnisse onser scepenen
wijsden dat Recht was Gegeven Int Jaer ons Heeren dusent vierhondert vijff ende
tsoeventich opten derden dach van September
Regest
1475 september 3
Zweder van Culenborch, richter, Heinrich Zuermont, Herman van Doyenborch, Jan van
Kuuck en Aernt die Man, schepenen te Culemborg, oorkonden dat Cornelis die Visscher
heeft " vervolgt ende mit vier clagen verwonnen" ten behoeve van de Poth, op een huis in
de Affterstraet en allen die daaraan gerechtigd zijn, welk huis nu bewoond wordt door
meester Cornelis, kanunnik te Culemborg, en gelegen is tussen het huis van Dirc van Bon
en de erfgenamen van Gerijt Gerijtssoin.
De zegels van de oorkonders zijn verloren gegaan.
Afschrift in inv. nr. 1452. fol 4.
Afmetingen in mm: 230 x 110
[^van de Ven nr. 163, Hokke nr. 329]
