Allen den ghenen die desen brief zullen zien off horen lesen doe Ick verstaen Joest Gherytsoen Scout Inden gherecht van Scalckwijck van weghen
mijns liefs Joncheren van Culenborch vanden Weerde ende tot Leynden van Hoegstraten ende van Borssel etcetera dat voir my voyr die lantgenoten ende voir
die buerlude die hier nae bescreven staen ghecomen is Hillegont Heynrics dochter van Emskerck mit horen ghecoren voecht ende begheerden [omme eens]
oerdels off sij overgheven mocht wyen zij woude al alsulke erfenisse ende besterfenisse eyghen ende erve als hoir aenghecomen mocht wesen In
eniger wijs van dode hoiren moeder zaliger ghedachten ende van dode hoire oldemoeder Lijsbet Sander Pansiers zaliger ghedachten ende hoir
wart toeghewijst mit recht ende mit oerdel dat sij dat wel doen mochte mit recht doe rechtvoert aldair zo gaff over Hillegont Heynrics
dochter van Emskerck voirgenoemt mit haren ghecoren mombaers hant Heynrick van Emskerck Heynricsoen hoiren broeder al alsulke erfenisse
ende besterfenisse eyghen ende erve hoe ofte t wat manieren dat haer dat aenghecomen mochte wesen In eniger wijs van dode hoirre
moeder zaliger ghedachten ende oec van dode haerre oldemoder Lijsbet Sander Pansiers zaliger ghedachten ende Hillegont voirgenoemt verteech
daer aff wettelicken v......len recht ende toesegghens dat sij dair aen hadde ghehadt tot behoef Heynrick haers broeders voirgenoemt als
die lantghenoten ende buerlude wijsden dat recht was ende dat dese ghijft ende verticht mit recht stedicheyt hebben ende houden zel hoer

waren over ende aen dair dit aldus ghescieden alse lantghenoten ende buerlude voirscreven Ghijsbert Gilyssoen Heynric Mathijssoen ende Hubert
Dircsoen ende meer goeder luden ende wij lantghenoten ende buerlude voirscreven oirkonden ende tughen dese voirscreven punten onder des scouten
zegel ende hebben hem ghebeden desen brief mede over ons te besegelen ende ick Joest Gerytsoen scout voirgenoemt heb over my zelver
ende mede over die lantghenoten ende buerlude voirscreven om hoirre beden wil desen brief besegelt mit minen zegel tot enen
[oirber ende] vandes gherichts wegen Gegheven Int Jair ons Heren dusent vierhondert tvijf ende tachtich des donredages nae Sinte Marcus
dach Ewangelist

Regest
1485 April 28
des Donredages nae Sente Marcus' dach ewangelist

Joest Gherytsoen, schout in het gericht van Schalckwijck vanwege de jonker van Culenborch,
oorkondt dat Hillegont Heynricksdr van Emskerk al wat zij geërfd heeft van haar moeder en
van haar grootmoeder Lijsbet Sander Pansiers overgedragen heeft aan haar broer Heynrick van Emskerk Heynricksz.

Het zegel van de oorkonder is verloren gegaan.

Aanwezig als 'lantghenoten en buerlude” zijn: Ghijsbert Gilyssoen, Heynric Mathijssoen en Hubert Dircsoen.
Flets, beschadigingen op de vouwen.
afmetingen in mm: 267 x 92

[^van de Ven nr. 211, Hokke nr. 477.]