Wij Gerart Heer to Culenborch ther Lecke then Weerde ende tot Ewyck doen kont ende bekennen myt desen brieve dat voir onss
ende voir onse manne van lene hijr na bescreven is ghekomen Mechtelt Arnt Noyden dochter myt Gerit Janszoen hoeren echten vaicht
droich op ende gaff over myt hoeren vryen willen an onsen handen enen acker lants geleghen an dye Oudae / daer nu ter tijt baven naist gelant
is Johan Gysbertszoen ende beneden Aelbert Gerijt Aelbertszoens zoen Ende sij verteech daer voirt op myt oeren echten vaicht myt allen rechte
als vonnysse der selver manne wijsden myt ghevolgh dat sij rechte vertichnisse hedden ghedaen ende wij dyt voirseyde leen mochten laten ende
kieren daer wij wolden daer dyt gheschiede waeren over onse beleende manne Wolter van Overrijn ende Johan van Tyele / daer na doe dyt gheschiet
was doe verlyede wij dyt voirseyde leen oirkonde onser manne van lene hijr na bescreven Corstyen van Doern The holden van onss ende van onsen

nakomelingen Corstyen voirgemelt ende sijn nakoemelingen then onversterffliken erflene The verherghewaden alst myt rechte verschijnt myt
eynre Jair Renthe Voirt hebben wij om bede ende verzuecks Corstyens voirgemelt belyeft oirkonde der selver onser manne naghescreven ende bekennen
Lijsbethe Corstyens moeder voirgemelt hoere alinge lijfftocht the hebben an desen voirseyde lene ende the ghebruken tot oeren oirber ende profijt alsoe lange
als sij leefft tot allen tuchten rechte Beheltlich onss ende yegelich sijns rechts daer dese verlijninge gheschiede Waeren over ende an onse
manne van lene Hubert onse naturlyke broeder Johan van Tyele ende anders meer gueder manne In oirkonde onss zeghels hijr an gehan=
gen Gegeven Int Jair ons Heren duzent vijrhondert vive ende vijfftich op Sente Peters ende Sente Pauwels avent der Heiligen Apostele

Regest
1455 juni 28
op Sente Peters ende Sente Pauwels avent der Heiligen Apostele

Gerart heer tot Culenborch verklaart dat hij Corstyen van Doern beleend heeft met een akker land aan de Oudae, waar boven
naastgeland is Johan Gysbertszoen en beneden Aelbert Gerijt Aelbertszoens zoen, na opdracht door Mechtelt, dochter van Arnt Noyden,
in aanwezigheid van haar voogd Gerit Janszoen. Hierna wordt op deze grond lijftocht gevestigd voor Lijsbethe de moeder van Corstyen.

Het zegel van de oorkonder is verloren gegaan.

Als leenmannen zijn aanwezig Wolter van Overrijn en Johan van Tyele.
afmetingen in mm: 250 x 115 /102

[^van de Ven nr. 117, Hokke nr. 338]