Wij Claes van Asch Richter mijns liefs Heeren van Culenborch inden kerspelen van Everdingen ende van Sijdervelt Hubert van Goidberdingen
Gerijt Aernts sone ende Heyman Boudewijns sone scepenen aldair orkonden onder onse segele dat voir ons quam Melis Scavart ende
Jan van Kuyc gasthuysmeisteren van wegen des gasthuys tot Culenborch bij bevele ons liefs Heeren van Culenborch ende lijden ende kenden dat
Heeren Gerit Modder den gasthuse voirscreven tot behoif der armen gegeven heeft die helft van drie stripen lands gelegen op Goidberdingen
dair boven naist gelant is Mourisse Zuermont ende beneden Heilwich Henric Coppiers wiif was mit alsulken vorwarden dat men Heren
Gerit voirscreven geven sal tot sinen live datter af coomt ende na sijnre doot so sal men geven Heren Gunter die Kemp van desen lan=
de vier scilde tsiaers op dat sij dair af comen ende anders niet also lange als Liisbet Willem Willems soens dochter ende Liisbet
Pawen wiif was Heeren Gerits nichten voirscreven in levende live sijn Mer storve enich van hem beiden voir Heren Gunter

voirscreven so soude Heeren Guunter niet meer hebben dan twee scilde Ende storve die wive beide so soude Heere Gunter voirscreven niet
hebben Mer storve Heeren Gunter voir den wiven voirscreven so soude elc van hem beiden hebben twe scilde tsiaers tot horen
live op datter vanden lande queme ende anders niet Mer sij souden dat selve dat vanden lande queme gelijc deilen ende
na hore beider doot so sal dit lant ende wes dair af coomt bliven an den gasthuse voirscreven tot den armen behoif als
voirscreven is Gegeven [int Jair] ons Heeren Dusent vierhondert vier ende twijntich des dijnxdages na Sente Martijns dach.

Regest
1424 november 14
des Dijnxdages na Sente Martijns dach

Claes van Assch, richter, Hubert van Goidberdingen, Gerijt Aernts sone en Heyman
Boudewijns sone, schepenen in de kerspelen Everdingen en Sijdervelt, oorkonden dat Melis
Scavart en Jan van Kuyc, gasthuismeesters te Culemborg, erkend hebben dat heer Gerit
Modder na het maken van zekere voorwaarden aan het gasthuis gegeven heeft de helft
van drie strepen land te Goidberdingen, welk land gelegen is tussen het land van Mourisse
Zuermont en Heilwich Henric Coppiers vrouw.
De voorwaarden hebben betrekking op heer Gunter die Kemp, Liisbet Willem
Willems soens dochter en Liisbet Pawen wijf, heer Gerits nicht.

In groene was de zwaar beschadigde zegels van de tweede en vierde oorkonder, de
zegels van de eerste en derde oorkonder zijn verloren gegaan.

afmetingen in mm: 215 x 90

[^van de Ven nr. 53, Hokke nr. 220]