Wy Elisabeth Grandue van Hoochstraten Vrouwe van Culemborch Douaigiere van Montigin van Lenze van Merbes etcetera
nagelaten wedue van wylen Heren Anthonise van Lalang In zynre tyt Grave van Hoochstraeten Ridder vander oerderen der Keyserlicke Majesteyet onses alre genadichsten Heren ende Stadthouder Generael over
zynre Majesteyt landen van Hollant Zeelant Vrieslant ende van Utrecht / Allen den ghenen die desen onsen brief sullen sien salut / Alsoe wy van onsen officieren borgermeesteren scepenen ende gerichte
binnen onser stadt Culemborch bericht zyn dat de selve vanden gerichte diversche questien ende processen tusschen partien voer hunluyden gemoneert overmits dimportantie der selver aen ons ende die hoogebrugge
van onsen huyse gewesen ende geremitteert hebben / die dus voer ende na ongetermineert blyven duer onse lanckduyrige absentie uuyt onser voirscreven stadt daer wy noch niet en sien te comen overmits
andere menichfoldige occupatien / ende wy dan aenmercken de voirsceeven partien daer merckelicken by verachtert zyn ende noch meer souden gelyck zy ons tot meer malen te kennen gegeven hebben /
soe verre wy niet behoirlicken daer Inne en versagen // Soe eest dat wy volcomelic betruwende der wysheit vromicheit ende Rechtveerdicheit vanden edelen ende welgeboren onsen
lieven neven Heren Erard Fryheren tot Pallant tot Witthem Kinswilder etcetera oic mede van onsen lieven getruwen dieneren ende ondersaten Melchior van Culemborch Hubertssoen stadthouder van
onsen Leenen / Guillem Prevost drost / Frederic de Coninc scholtes onser voirseyde stadt Willem van Amerongen Geryt van Culemborch Melchiorssoen scholtes van Everdingen Heren Jan van Schoonhoven
canonic ende Jan Hackert vicaris In onser collegialer kercken van Sinte Barbaren binnen onser stadt Culemborch voirscreven Aert de Man Cornelissoen tegenwoerdich borgermeester vanden ontfanck
Joost Cornelissoen Willem Gobellssoen ende Willem Zuermont / Hunluyden die negen thiene oft elve van hun dier toe geroepen ende best toe sullen mogen verstaen volcomen macht auctoriteit ende speciael
bevel gegeven hebben ende geven mits desen / de selve expresselic ordonnerende ende stellende In onse plaetse als bequame Richters / om daer over geroepen die vanden gerichte onser voirscreven stadt
na ouden hercomen alle de voirscreven processen aen onse hoochbrugge gewesen ende dier noch gewesen sullen werden te ontfangen by behoirlicke Inventaris / te visiteren Besolveren ende partien
voer hunluyden geroepen te termintreren soe zy bevinden sullen In huere conscientie ende goeder Insticie behoiren te geschien / de selve partien Indient noot zy vorder te hoiren / tot breeder productie
t admitteren / ende voerts anderssins allet te doen dat goede Richters schuldich zyn ende behoiren te doen / vermogens de hantfesten previlegien ende costumen onser voirseyde stadt ende lande
van Culemborch ende dat wy selver doen souden Indien wy daer tegenwoerdich waren / Twelcke onse voirnoemde neve van Pallant geloeft heeft alsoe te doen / ende om van gelycken te doen ende alle
tghene zy mitten anderen handelen ende sluyten secreet te houden totter pronunciatie toe van hueren vonnissen / Hebben wy den selven onsen neve van Pallant commissie gegeven hunluyden
den behoirlicken eedt ende beloftenis af te nemen / Ontbiedende ende bevelende allen anderen onsen Insticieren officieren ende ondersaten dat zy hunluyden dit doende obedieren ende alle assisteren bewysen
als ons selven / Ende gelovende voerts van weerden te houden allet wes byden voirseyt onse beoordente Richteren de ix x oft xi van hunluyden In tghene des voren verhaelt staet gedaen
gewesen geordonneert ende geappointeert sal werden / Geduyrende tot onsen wederseggen / Des toirconde hebben wy onsen segel hier aen doen hangen / Gegeven op onse slot te
............................................................................................................NA KIJKEN !!!!!!!!!!
Regest
20 mei 1540
Gegeven op onse slot te Hoochstraten
Elisabeth gravin van Hoochstraten vrouwe van Culenborg benoemt haar neef Erard vrijheer van Pallant en een aantal anderen tot rechters om bij haar absentie te beslissen in processen die door het stadsgerecht naar haar doorverwezen zijn.
In rode was het zwaar beschadigde zegel van Elisabeth gravin van Hoochstraten
Vlekken. Klein gaatje linksboven.
afmetingen in mm: 513 x 197 [^Van de ven regest nr 419, Hokke regest nr 10]
