Wij Wijnandt Janzsoen ende Hanrick van Doornick scepen In Tijell Oirconden openbaerlick dat is comen voer ons Brant Vogell ende heefft vercofft
ende opgedragen Rutger van Nijell siaers Jaerlicx ende erffelicx thijns twelff Keijsers Carolus gulden tweijntich stuver Brabants gevalueert voer ............
gulden voirseijt off goet payment daer voer In gelijker werden Uuth huijs ende hoffstadt gelegen In die Borchstraet aen die een zijde Clara W...........
wedue echtehuijsfrau geweest is Peter Wolbokers aen dander sijde Jelis Tijngnagell ende voirt uut alle goederen Rede ende onrede als heefft ..............
Inden gericht van Tijell ende van Sandick / die voergemelte Coper daer uuth alle Jaer op Sunte Jacobs Dach Apostell the buren the halden ende erffelick
met recht the besitten / als thijns Recht is Daer den yersten thijnssdach aff wesen ende verschijnen sall Jacobj Anno xLix na data van deesen vrij thijns
den voirgemelte Coper te betalen zonder enige Indracht daer Inne te maken ende sonder enige affcortingen des thijns vurscreven In onsen ........................................................???????
off wat die scattonge anders hercommen muchte Off den Jaerlicxen ende erffelicken Thijns voirseijt zall den Coper op termijn der betalingen vurseijt
Jaerlicx ende alle Jaer uuth worden gepeijnt aen ende uuth etcetera huijss ende hoffstadt voerscreven ende uut allen anderen Rede ende onrede des vercopers goet

voerseijt gelegen Inden gericht van Tijell ende van Sandick als becande Sculdt Inden gerichte ^voirseijt vervolcht ende verwonnen zonder enich weren ende
wederseggen Ende opten Jaerlicxschen ende erffelicken thijns voerseijt heefft die voirgemelte vercoper tot euwige ende erffelicke nutscap des Copers
verhalmert ende vertegen Gelovende as een principaell Zaickwalt den voirgemelte Coper den Jaerlicxschen ende erffelicken thijns vurseijt te waren
Jaer ende dach voer alle den ghenen die des then rechten staen ende comen willen als thijns recht ende gewoentheijt is the waren binnen der stadt Tijell
vurseijt Dies geloofft Hanrick Vogell des voirscreven Brant Vogels vader noch daer en boven desen voerseijde thijns the waren met die hoofftzomme van
...denhalffen mergen lants gelegen  Inden gericht van Sandick In die Zwijn Weij aen d' een zijde Peter die Roevers erven ende aen dander zijde .............
Hermensoon ende die Erffgenamen Wilhem Zuermonts / Noch heefft Hanrick Vogell voerscreven den voergemelte Coper ther waerscap gesath vijff mergen lant 
gelegen Inden voerscreven gericht van Sandick In die Hueslagen aen deen zijde Wilhem Pauwelsoon erven ende aen dandr sijde Wilhem Spaen Off wat
.............hijnder ende gebreck die Coper voirgemelt daer omb lede / dede / off vercrege zall die Coper voirseijt zulcx uut worden gepeijnt aen ende uuth

dat vurseijde lant Hanrick Vogell den voerseijde Coper ther waerscap gesath heefft als voerseijt ende voert aen ende uuth alle andere goederen rede ende onrede
als heefft Hanrick Vogel Inden gericht van Tijell ende van Sandick gelegen als becande sculdt Inden gericht etcetera vervolcht ende verwonnen sonder
......... weren ende wederseggen Beheltelicken die voergemelte Brant Vogell op enige termijn der betalinge voerseijt altijt zijnre euwiger lossen met twee
hondert .............Keijsers Carolus gulden payments voirscreven hoofftgelts ende met alle affterstedige verscenen Renthen beheltelick dies dat den
vercoper vurseijt den opgemelte Coper sculdich ende gehalden zall zijn den thijns voerseijt op te seggen een vierendeel Jaers voerden termijn ........
............ vurseijt als hij den thijns voirscreven afflossen will Sonder argelist In Oirconde des brieffs bezegelt met onse zegelen Gegeven Int
Jaer ons Heren duijsent vijffhondert tnegenendeveertich den veertienden dach Martij.