Wy Reynalt vander genaiden goids Hertoge van Gulich ende van Gelre ende Greve van Zutphen / doin kont allen
luden / dat ende also als die Burgermeisteren Schepenen Rait ende gantze gemeynde onser Stat van Tyell ons nu
broeckestich worden waeren / omme eenre saicken wille dair komende van Symon Janssoen So bekennen wy vur ons
onse erven ende nakomelinge / dat sij des mit ons guyclicken ende wale geslicht ende gescheyden sijn / Ende dairomme schelden
Wy Hertoge voirsreven voir ons ende die selve onse erven ende nakomelinge / den voirseijte Burgermeisteren Schepenen Rait ende
 

gantze gemeynde der voirscreven onser Stat van Tyell / hoeren nakomelingen / ende voirr allen den ghenen die des quijt
scheldene behoeven vander voirscreven broicken / als van Symon Janssoen wegen / ende wat sich dair aen treffen mach
loss ledich ende quijt / doch uytgescheyden Symon Janssoen voirseit / ende syne erven / want die hirmede nyet ver=
leken en syn / Sonder argelist / Orkunde onss Segele hir aen gehangen / Inden Jaeren onss heren dusent vyer=
hondert ende eenendetwintich up den Sonnendach Jubilate /
   
   

"Per dominum ducem presentibus de consilio ^. domino Johanne Schelart de Obbendorp milite
magistrocurie Et Gysberto Pieck Reddituario supremo terrarum Gelren

REGEST
[13 april 1421]
Reynalt, hertog van Gelre, scheldt aan die van Tyell kwijt zekere breuk, door de stad wegens Symon Janssoen aan hem verbeurd. In den jaeren onss Heren dusent vyerhondert ende een ende twintich up den Sonnendach Jubilate. Met het zegel van de hertog in rode was.
Gedrukt: Rink. Vervolg van bijvoegsels en bijlagen, bijl. A, blz. 84.